- Галоўная
- Пра нас
- Навукова-даведачны апарат
- Выставы
- Чытальная зала
- Запыты і паслугі
- Звароты грамадзян і юрыдычных асоб
- Электронны зварот
Чарнобыльская трагедыя – найбуйнейшая катастрофа ў гісторыі ядзернай энергетыкі, якая адбылася 26 красавіка 1986 года на Чарнобыльскай атамнай электрастанцыі. У выніку выбуху рэактара № 4 былі выкінутыя ў атмасферу велізарныя колькасці радыеактыўных рэчываў, што прывяло да смерці некалькіх дзясяткаў чалавек і сур'ёзных наступстваў для здароўя сотняў тысяч людзей, а таксама да экалагічных праблем на значнай тэрыторыі Рэспублікі Беларусь, абвешчанай XI сесіяй Вярхоўнага Савета БССР у ліпені 1989 года зонай Нацыянальнага экалагічнага бедства.
25 красавіка 2024 года ў рамках Рэспубліканскай акцыі “Архівы – школе” ў Беларускім дзяржаўным архіве-музеі літаратуры і мастацтва была праведзена экскурсія для навучэнцаў 10-х класаў ДУА “Сярэдняя школа № 72 г.Мінска імя У.І. Арцёмава”.
24 красавіка 2024 года дырэктар Беларускага дзяржаўнага архіва-музея літаратуры і мастацтва, сумесна з кіраўніцтвам Дэпартамента па архівах і справаводстве Міністэрства юстыцыі Рэспублікі Беларусь і дзяржаўных архіўных устаноў, у мінскім Палацы спорту наведалі гала-канцэрт майстроў мастацтваў Беларусі "Час выбраў нас" для ўдзельнікаў першага пасяджэння VII Усебеларускага народнага сходу.
23 красавіка 2024 года загадчык аддзела навуковага апісання дакументаў асабістага паходжання В.Ф.Шаталава і вядучы архівіст аддзела Г.Б.Багамолава прынялі ўдзел у мерапрыемствах да 95-годдзя з дня нараджэння фондаўтваральніка – мастака Л.Ц.Баразны – у Талочыне: адкрыцці мемарыяльнай шыльды на доме, дзе жыў Л.Ц.Баразна, і выставе яго твораў у Талочынскім гісторыка-краязнаўчым музеі.
22 красавіка 2024 года ў Беларускім дзяржаўным архіве-музеі літаратуры і мастацтва адбыўся вечар памяці з адкрыццём дакументальнай выставы “Думка. Адкрытасць душы. Пачуццё...", прысвечанай 90-годдзю акцёра, народнага артыста Беларусі Юрыя Фёдаравіча Ступакова (24.03.1934 – 24.10.1999).
23 красавіка 2024 года ў рамках пілотнага праекта “Юны архівіст” і адукацыйнага праекта “Урок у музеі” работнікамі Беларускага дзяржаўнага архіва-музея літаратуры і мастацтва сумесна з настаўнікамі ДУА “Сярэдняя школа № 86 г. Мінска” быў праведзены ўрок беларускай мовы для вучняў 5 “А” класа.
18-19 красавіка 2024 г. на базе Інстытута гісторыі НАН Беларусі сумесна з Інстытутам археалогіі і этнаграфіі НАН Рэспублікі Арменія, Пасольствам Рэспублікі Арменія ў Рэспубліцы Беларусь і Фондам развіцця і падтрымкі арменазнаўчых даследаванняў “АНИВ” прайшла міжнародная навуковая канферэнцыя “Беларусь – Арменія: Старонкі гісторыі”, прысвечаная 30-годдзю ўстанаўлення дыпламатычных адносін паміж Рэспублікай Арменія і Рэспублікай Беларусь.
20 красавіка 2024 года калектыў Беларускага дзяржаўнага архіва-музея літаратуры і мастацтва прыняў удзел у рэспубліканскім суботніку. Сёння гэтую добрую традыцыю, якая аб'ядноўвае людзей усіх пакаленняў, падтрымлівае кожная Беларуская арганізацыя. Да суботніка ў БДАМЛМ далучылася прадстаўнік дэпартамента па архівах і справаводству Рабцэвіч Таццяна Уладзіміраўна.
Чытальная зала Беларускага дзяржаўнага архіва-музея літаратуры і мастацтва будзе зачынена на рамонт з 23.04 да 30.06 (папярэдне). Прыносім свае прабачэнні за часовыя нязручнасці.
Для наведвання даступна дакументальная выстава “Думка. Адкрытасць душы. Пачуццё…” да 90-годдзя акцёра, народнага артыста Беларусі Юрыя Фёдаравіча Ступакова (24.03.1934 – 24.10.1999).
БДАМЛМ падрыхтаваў дакументальную выставу “Думка. Адкрытасць душы. Пачуццё…” да 90-годдзя акцёра, народнага артыста Беларусі Юрыя Фёдаравіча Ступакова (24.03.1934 – 24.10.1999).
18 красавіка 2024 года ў межах мерапрыемстваў рэспублiканскага суботнiка работнікі Беларускага дзяржаўнага архіва-музея літаратуры і мастацтва наведалі месцы пахавання, прыбралі могілкі, усклалі кветкі і ўшанавалі памяць вядомых дзеячоў культуры Беларусі – фондаўтваральнікаў архіва-музея: пісьменнікаў Івана Мележа, Міхася Лынькова, Уладзіміра Караткевіча, кампазітараў Мікалая і Алёны Аладавых, Яўгена і Радзівона Глебавых, артыстаў Веры Полы i Стэфаніі Станюты.
17 красавіка 2024 г. у Беларускім дзяржаўным архіве-музеі літаратуры і мастацтва (далей – БДАМЛМ) адбылося падпісанне дамовы аб правядзенні практыкі студэнтаў паміж установай “Беларускі дзяржаўны архіў-музей літаратуры і мастацтва” і гістарычным факультэтам Беларускага дзяржаўнага ўніверсітэта (далей – БДУ). У падпісанні дамовы прынялі ўдзел дырэктар БДАМЛМ Макаранка Алена Аляксандраўна і кандыдат гістарычных навук, дацэнт кіраўнік пераддыпломнай практыкі гістарычнага факультэта БДУ Яршова Вольга Ігараўна.
