- Галоўная
- Пра нас
- Навукова-даведачны апарат
- Выставы
- Чытальная зала
- Запыты і паслугі
- Звароты грамадзян і юрыдычных асоб
- Электронны зварот
29 сакавіка 2023 года Беларускі дзяржаўны архіў-музей літаратуры і мастацтва ў межах рэспубліканскай акцыі “Архівы – школе”, арганізаванай Дэпартаментам па архівах і справаводству Міністэрства юстыцыі Рэспублікі Беларусь, наведалі вучні 3 класа ДУА “Сярэдняя школа № 225 г. Мінска”.
25 сакавіка 2023 г. члены першаснай прафсаюзнай арганізацыі Беларускага дзяржаўнага архіва-музея літаратуры і мастацтва ў складзе групы, арганізаванай Мінскай гарадской арганізацыяй прафесійнага саюза работнікаў дзяржаўных і іншых устаноў, у рамках мерапрыемстваў Года міру і стварэння, наведали помнікі ваеннай гісторыі – мемарыяльныя комплексы “Трасцянец”, “Курган Славы” і “Хатынь”. Падчас мерапрыемства работнікі архіва-музея і іх калегі ўсклалі кветкі і ўшанавалі памяць загінуўшых хвілінай маўчання.
"Вядома, штучны інтэлект мацней і разумней за чалавека - і заўсёды будзе выйграваць у яго і ў шахматы, і ва ўсё астатняе... але працягвацца гэта будзе толькі да таго часу, пакуль штучны розум праграмуецца і накіроўваецца самім чалавекам і не ўсведамляе сябе як істоту. Ёсць адно, толькі адно, у чым гэты розум ніколі не перасягне людзей. У рашучасці быць".
В. Пелевін.
Беларускі дзяржаўны архіў-музей літаратуры і мастацтва 25 мая 2023 г. запрашае на навуковую канферэнцыю ХХІІІ Узвышаўскія чытанні, прысвечаныя 100-годдзю з часу стварэння аб’яднання беларускіх пісьменнікаў “Маладняк”
У гэтыя дні ўспамінаюць адну з самых трагічных падзей часоў Вялікай Айчыннай вайны – знішчэнне разам з жыхарамі беларускай вёскі Хатынь. 22 сакавіка 1943 года 149 жыхароў Хатыні былі спалены зажыва або расстраляны за магчымае аказанне дапамогі партызанам.
16 сакавіка 2023 года члены першаснай прафсаюзнай арганізацыі Беларускага дзяржаўнага архіва-музея літаратуры і мастацтва наведалі выставы “Плюс/мінус 100: народныя мастакі-юбіляры” і “Джаз! Коты! Весна!” у Нацыянальным цэнтры сучасных мастацтваў Рэспублікі Беларусь.
14 сакавіка 2023 года архівісты Беларускага дзяржаўнага архіва-музея літаратуры і мастацтва наведалі Нацыянальны архіў Рэспублікі Беларусь з мэтай абмену вопытам.
Да 26 мая 2023 года ў Дзяржаўным музеі гісторыі беларускай літаратуры працуе часовая экспазіцыя “Талстой і Беларусь” – супольны праект з Дзяржаўным музеем Л. М. Талстога ў Маскве, Беларускім дзяржаўным архівам-музеем літаратуры і мастацтва, Нацыянальным акадэмічным Вялікім тэатрам оперы і балета Рэспублікі Беларусь і Дзяржаўным музеем гісторыі тэатральнай і музычнай культуры.
15 сакавіка адзначаецца Дзень Канстытуцыі Рэспублікі Беларусь, якая была прынята 15 сакавіка 1994 года (дзейнічае са змяненнямі і дапаўненнямі, прынятымі на рэспубліканскіх рэферэндумах 24 лістапада 1996 года, 17 кастрычніка 2004 года і 27 лютага 2022 года).
10 сакавіка, у Год міру і стварэння, Беларускі дзяржаўны архіў-музей літаратуры і мастацтва наведалі калегі з Дзяржаўнага музея гісторыі беларускай літаратуры і Літаратурнага музея Максіма Багдановіча. Работнікі архіва-музея распавялі калегам пра асаблівасці працы з асабістымі фондамі дзеячоў літаратуры і мастацтва, правялі экскурсіі па выставах “…З ідэяй захаваць ад знішчэння…” (да 100-годдзя дзяржаўнай архіўнай службы Беларусі) і “Чалавек палымянага сэрца” (да 120-годдзя рэжысёра Любові Мазалеўскай).
7 сакавіка 2023 года ў Беларускім дзяржаўным архіве-музеі літаратуры і мастацтва адбыўся ўрачысты сход, прысвечаны Міжнароднаму жаночаму дню 8 сакавіка.
Беларускі дзяржаўны архіў-музей літаратуры і мастацтва віншуе ўсіх архівістак і музейшчыц, а таксама наведвальніц са святам вясны, прыгажосці і любові – Міжнародным жаночым днём 8 сакавіка! Дарагія жанчыны, жадаем вам моцнага здароўя, мірнага неба, сямейнага дабрабыту, душэўнай гармоніі, павагі і ўзаемапаразумення ў калектыве!
6 сакавіка 2023 г. падчас сустрэчы са студэнтамі IV курса гісторыка-архіўнага аддзялення гістарычнага факультэта Белдзяржуніверсітэта вядучы навуковы супрацоўнік Беларускага дзяржаўнага архіва-музея літаратуры і мастацтва Віктар Жыбуль правёў экскурсію па выставах.
Члены першаснай прафсаюзнай арганізацыі Установы “Беларускі дзяржаўны архіў-музей літаратуры і мастацтва” прымаюць удзел у правядзенні рэспубліканскага фотаконкурсу, прысвечанага Дню жанчын, – “Прыгажосць, вясна і свята… і крышку Прафсаюз”, абвешчанага Прафсаюзам работнікаў дзяржустаноў з мэтай фарміравання грамадзянскіх і маральных арыенціраў, уважлівых адносін да жанчын.
