- Галоўная
- Пра нас
- Навукова-даведачны апарат
- Выставы
- Чытальная зала
- Запыты і паслугі
- Звароты грамадзян і юрыдычных асоб
- Электронны зварот
Супрацоўнікі Беларускага дзяржаўнага архіва-музея літаратуры і мастацтва паўдзельнічалі ў адкрыцці персанальнай выставы Аляксея Шышко “Чатыры асобы”, якое адбылося 19 ліпеня 2023 г. у мастацкай галерэі “Універсітэт культуры” (партнёр БДАМЛМ па шэрагу праектаў). Акварэльныя замалёўкі, сучасныя архітэктурныя праекты і дызайнерскія прапановы мастака, а таксама яго маляўнічыя фотакарціны, прадстаўленыя на выставе, натхнялі калег і жывілі стваральнай энергіяй.
19 ліпеня 2023 года ў Беларускім дзяржаўным архіве-музеі літаратуры і мастацтва адбылася сустрэча са сваякамі (унучкамі і праўнучкай) вядомага музыказнаўца, музычнага крытыка Ізідара Герасімавіча Нісневіча (фонд № 236). Яны перадалі дакументы свайго знакамітага продка, сярод якіх асаблівую цікавасць выклікаюць біяграфічныя матэрыялы, фатаграфіі індывідуальныя і з роднымі.
13 ліпеня 2023 года ў Беларускім дзяржаўным архіве-музеі літаратуры і мастацтва адбыўся агульны сход працоўнага калектыву, на якім была разгледжана Канцэпцыя прававой палітыкі Рэспублікі Беларусь, зацверджаная Указам Прэзідэнта Рэспублікі Беларусь № 196 ад 28 чэрвеня 2023 г., абмеркаваны падзеі ў краіне за мінулы тыдзень, пытанні арганізацыі і правядзення выстаў па дакументах архіва-музея.
3 ліпеня 2023 г., да Дня Незалежнасці Рэспублікі Беларусь і ў рамках рэспубліканскай акцыі “Архівы – школе”, супрацоўніца Беларускага дзяржаўнага архіва-музея літаратуры і мастацтва Ксенія Цынкевіч узяла ўдзел у радыёперадачы “Дасціпныя. Нястомныя. Кемлівыя” з тэмай “Беларуская культура ва ўмовах сучаснай глабалізацыі: роля традыцый і фальклору ў выхаванні падрастаючага пакалення”.
6 ліпеня 2023 года намеснік дырэктара архіва-музея А.А.Макаранка прыняла ўдзел у прэзентацыі навукова-папулярнага зборніка дакументаў “Архивы. Ничего, кроме правды”. Дадзенае выданне створана ў рамках сумеснага праекту Беларускага тэлеграфнага агенства (БелТА) і Міністэрства юстыцыі Рэспублікі Беларусь па раследаванні і публікацыі малавядомых фактаў генацыду на акупаванай тэрыторыі БССР у час Вялікай Айчыннай вайны. Мерапрыемства прайшло ў Нацыянальнай бібліятэцы Беларусь з удзелам Міністра юстыцыі, Міністра інфармацыі, дырэктара Дэпартамента па архівах і справаводству Міністэрства юстыцыі Рэспублікі Беларусь і інш.
Завершана навуковае апісанне фонду № 530 (вопіс № 1) эсперантыста, перакладчыка, літаратуразнаўца, журналіста, медыка Дзмітрыя Снежкі
5 ліпеня 2023 года, у рамках мерапрыемстваў, прысвечаных Дню Незалежнасці Рэспублікі Беларусь, калектыў Беларускага дзяржаўнага архіва-музея літаратуры і мастацтва наведаў куратарскую экскурсію, праведзеную супрацоўнікамі Нацыянальнага цэнтра сучасных мастацтваў Рэспублікі Беларусь па сумеснай выставе “Па-за прасторай”. Дакументы, прадстаўленыя архівам-музеем для экспанавання на выставе, гарманічна ўключаны ў “касмічную тэму” выставы. Гэта малюнак Я. Драздовіча “Бровар на Дзісненшчыне” (1922), эскізы М. Блішча “Космас” (1950-я), фотаздымак У. Кавалёнка ў час выхаду ў адкрыты космас з дароўным подпісам аўтара Г. Бураўкіну.
Сёння, 30 чэрвеня 2023 года, мы развітваемся з нашымі калегамі – вядучым архівістам Юліяй Ігараўнай Садоўскай і загадчыкам аддзела інфармацыі, публікацыі і выкарыстання дакументаў Таццянай Вадзімаўнай Івановай. У Евангеллі ад Мацвея напісана: “Вы – святло свету: не можа схавацца горад, які стаіць на версе гары. І запаліўшы свечку, не ставяць яе пад пасудзінаю, а на свечніку, і свеціць усім, хто ў доме. Так няхай свеціць святло ваша перад людзьмі…” (5: 14-16).
30 чэрвеня 2023 года намеснік дырэктара архіва-музея А.А.Макаранка прыняла ўдзел у мерапрыемстве, прысвечаным памяці аднаго з арганізатараў партызанскага руху на тэрыторыі БССР у гады Вялікай Айчыннай вайны, Героя Савецкага Саюза Васілія Каржа. Мерапрыемства прайшло ў Нацыянальным архіве Рэспублікі Беларусь з удзелам дырэктара Дэпартамента па архівах і справаводству Міністэрства юстыцыі Рэспублікі Беларусь А.Л.Воінава.
29 чэрвеня 2023 года ў рамках праекта "Адкрыты кінаархіў" работнікі Беларускага дзяржаўнага архіва-музея літаратуры і мастацтва ўзялі ўдзел ва ўрачыстым мерапрыемстве з удзелам Міністра юстыцыі Рэспублікі Беларусь, прысвечаным Дню Незалежнасці Рэспублікі Беларусь. Удзельнікі мерапрыемства праслухалі даклады і прагледзелі кіналекторы на тэму "Вызваленне і аднаўленне беларускай сталіцы".
29 чэрвеня 2023 года работнікі Беларускага дзяржаўнага архіва-музея літаратуры і мастацтва бралі ўдзел у адкрыцці сумеснай (з Аб’яднаным мемарыяльным запаведнікам Ю.А. Гагарына (Расійская Федэрацыя), Гісторыка-культурным музеем-запаведнікам “Заслаўе”, Нацыянальным мастацкім музеем Рэспублікі Беларусь, Нацыянальным цэнтрам сучасных мастацтваў Рэспублікі Беларусь і Слуцкім краязнаўчым музеем) выставы “Па-за прасторай”, прысвечанай космасу і прызначанай да Дня Незалежнасці Рэспублікі Беларусь, пазнаёміліся з мастацкімі творамі суайчыннікаў – Язэпа Драздовіча, Аляксандра Кішчанкі, Георгія Скрыпнічэнкі і сучасных творцаў, а таксама – расійскіх мастакоў Уладзіміра Ельчанінава і Клаўдзіі Тутэволь.
29 чэрвеня 2023 г. намеснік дырэктара Беларускага дзяржаўнага архіва-музея літаратуры і мастацтва А.А. Макаранка прыняла ўдзел у рабоце Міжнароднага навуковага круглага стала “Крыніцазнаўства і гістарыяграфія. Спецыяльныя гістарычныя дысцыпліны», арганізаванага гістарычным факультэтам Беларускага дзяржаўнага ўніверсітэта.
