- Галоўная
- Пра нас
- Навукова-даведачны апарат
- Выставы
- Чытальная зала
- Запыты і паслугі
- Звароты грамадзян і юрыдычных асоб
- Электронны зварот
28 студзеня 2026 года работнікі Беларускага дзяржаўнага архіва-музея літаратуры і мастацтва (далей – БДАМЛМ) наведалі адкрыццё мастацка-дакументальнай выставы “Мастак. Герой. Міхаіл Савіцкі”, арганізаванай Дзяржаўным літаратурным музеем Янкі Купалы сумесна з Мастацкай галерэяй Міхаіла Савіцкага – філіялам Музея гісторыі горада Мінска – і прысвечанай 20-годдзю прысваення Міхаілу Савіцкаму звання “Герой Беларусі”.
Іван Пятровіч Шамякін нарадзіўся 30 студзеня 1921 г. ў вёсцы Карма на Гомельшчыне. Свае першыя значныя празаічныя творы «Помста» і «У снежнай пустыні» напісаў падчас службы ў арміі ў гады Вялікай Айчыннай вайны. Адметную ролю ў яго лёсе адыграў удзел у пасляваенным пленуме Саюза пісьменнікаў БССР, знаёмства з найбольш знакамітымі літаратарамі Беларусі. У 1949 г. апублікаваны яго раман «Глыбокая плынь», за які ў 1951 г. ён быў узнагароджаны Сталінскай прэміяй 3-й ступені. У 1972 г. І.П.Шамякін атрымаў ганаровае званне народнага пісьменніка Беларусі за раман «Сэрца на далоні».
22 студзеня 2026 года ў Беларускім дзяржаўным архіве-музеі літаратуры і мастацтва (далей – БДАМЛМ) адбыўся сход працоўнага калектыву, прысвечаны падвядзенню вынікаў работы ўстановы за 2025 год. У рэжыме відэаканферэнцыі прыняла ўдзел начальнік аддзела выкарыстання дакументаў, ідэалагічнай работы і міжнароднага супрацоўніцтва Дэпартамента па архівах і справаводстве Міністэрства юстыцыі Рэспублікі Беларусь Ю.У.Байданава.
21 студзеня 2026 года работнікі Беларускага дзяржаўнага архіва-музея літаратуры і мастацтва (далей – БДАМЛМ) прынялі ўдзел у юбілейным вечары, прысвечаным 85-годдзю з дня нараджэння выдатнага музыканта, кампазітара і аранжыроўшчыка, народнага артыста Беларусі Уладзіміра Георгіевіча Мулявіна (1941-2003).
20 студзеня 2026 года ў Беларускім дзяржаўным архіве-музее літаратуры і мастацтва (далей – БДАМЛМ) адбылася прэзентацыя шостага выпуску альманаха “Аўтограф”. Альманах – штогадовае выданне, заснаванае ў 2019 г., якое мае міждысцыплінарны характар. Яно публікуе навуковыя працы па шэрагу гуманітарных дысцыплін (архівазнаўстве, археаграфіі, літаратуразнаўстве, тэксталогіі, мастацтвазнаўстве, музеязнаўстве і г.д.), а таксама інфармацыйныя матэрыялы і навуковыя рэцэнзіі на раней апублікаваныя працы. У прэзентацыі ўдзельнічалі аўтары выпуску і даследчыкі, зацікаўленыя ў вывучэнні архіўнай і літаратурнай спадчыны Беларусі.
15 студзеня 2026 годзе работнікі Беларусскага дзяржаўнага архіва-музея літаратуры і мастацтва прынялі ўдзел у адкрыцці выставы “Замест тысячы слоў”, прымеркаванай да 95-гадовага юбілею Наталлі Мікалаеўне Паплаўскай і да 95-годдзя з дня нараджэння Георгія Георгіевіча Паплаўскага. Выстава арганізавана Нацыянальнай бібліятэкай Беларусі сумесна з Беларускім саюзам мастакоў і дачкой мастакоў Кацярынай Георгіеўнай Паплаўскай.
15 студзеня 2026 года у рамках дабрачыннай акцыі “Ад усёй душы” ў Беларускім дзяржаўным архіве-музеі літаратуры і мастацтва (далей – БДАМЛМ) адбылася экскурсія для ўдзельнікаў сацыяльна-асветніцкага праекта “Акадэмія “трэцяга узросту”.
