- Галоўная
- Пра нас
- Навукова-даведачны апарат
- Выставы
- Чытальная зала
- Запыты і паслугі
- Звароты грамадзян і юрыдычных асоб
- Электронны зварот
8 лютага 2024 года супрацоўнікі Беларускага дзяржаўнага архіва-музея літаратуры і мастацтва – загадчык аддзела навуковага апісання дакументаў асабістага паходжання Вольга Фёдараўна Шаталава і вядучы архівіст Наталля Аляксандраўна Мізон – узялі ўдзел у адкрыцці сумеснай выставы “У Дом твой сцежка прывяла сама…”, прысвечанай 110-годдзю з дня нараджэння паэта, літаратуразнаўцы і грамадскага дзеяча Валянціна Таўлая, на пляцоўцы Лідскага гісторыка-мастацкага музея. У праграму мерапрыемства таксама ўвайшлі аўтобуснае падарожжа па мясцінах В. Таўлая ў Лідзе, інсцэніраваныя аповеды пра жыццё і побыт паэта, сустрэча з яго сваякамі і інш.
7 лютага 2024 года ў Беларускім дзяржаўным архіве-музеі літаратуры і мастацтва адбылося адкрыццё літаратурна-дакументальнай выставы “Перад сабой і светам будзь праўдзівы…”, прысвечанай 110-годдзю народнага паэта Беларусі Аркадзя Куляшова і 80-годдзю вызвалення Беларусі ад германскіх захопнікаў.
6 лютага 2024 года загадчык аддзела архіваў арганізацый і фарміравання НАФ Беларускага дзяржаўнага архіва-музея літаратуры і мастацтва Марыя Іосіфаўна Пышынская і вядучы архівіст Наталля Паўлаўна Прынько пасля некалькіх месяцаў плённых перамоваў наведалі ўдаву народнага мастака Беларусі – Святлану Мікалаеўну Шчамялёву для прыняцця частцы дакументаў (граматы, віншавальныя адрасы, індывідуальныя фотаздымкі і з вядомымі дзеячамі Беларусі, ветэранамі Вялікай Айчыннай вайны, са студэнтамі і інш.) з асабістага архіва мастака Л.Д. Шчамялёва. Падчас сустрэчы Святлана Мікалаеўна паведаміла пра сямейныя традыцыі, асабістае жыццё і творчы шлях мужа, яго звычкі.
Сёння, 6 лютага – 110 год з дня нараджэння народнага паэта Беларусі Аркадзя Куляшова (1914–1978).
Паважаныя наведвальнікі!
1 лютага 2024 года на ўрачыстым пасяджэнні калегіі Дэпартамента па архівах і справаводству Міністэрства юстыцыі Рэспублікі Беларусь дырэктару Беларускага дзяржаўнага архіва-музея літаратуры і мастацтва (БДАМЛМ) А.А. Макаранка ўручана пасведчанне ад 17 лістапада 2023 г. № В-1880 аб дзяржаўнай рэгістрацыі афіцыйнага геральдычнага сімвала — Эмблемы БДАМЛМ.
У Беларускім дзяржаўным архіве-музеі літаратуры і мастацтва адкрыта выстава, прысвечаная 95-годдзю з дня нараджэння Лявона Баразны.
16 сакавіка 1960 года падчас працы над раманам “Каласы пад сярпом тваім” Уладзімір Караткевіч напісаў у лісце Янку Брылю: “Я ведаю: трэба працаваць. Іншага для мяне бадай што і не дадзена. І не трэба чакаць ад жыцця немагчымага. Магчыма, гэта лёс паклаў на плечы якіх-небудзь трыццацёх людзей цяжар цэлага народа, каб даведацца, ці ёсць мяжа сілам чалавечым”. Лявон Баразна для многіх і быў адным з гэтых “трыццацёх людзей”, на якіх у пэўны час трымалася беларуская культура.
31 студзеня работнікі Беларускага дзяржаўнага архіва-музея літаратуры і мастацтва наведалі прэзентацыю мемуараў народнага пісьменніка і фондаўтваральніка БДАМЛМ Мікала Чаргінца ў галерэі “Лабірынт” Нацыянальнай бібліятэкі Беларусі.
30 студзеня 2024 года ў Беларускім дзяржаўным архіве-музее літаратуры і мастацтва адбылася рабочая сустрэча дырэктара архіва-музея Аленай Аляксандраўны Макаранка з галаўным рэдактарам навуковага і метадычнага часопіса “Роднае слова” Наталляй Мікалаеўнай Шапран.
28 снежня 2023 года на пляцоўцы Нацыянальнага цэнтра сучасных мастацтваў (вул. Някрасава, 3) адкрылася сумесная выстава Беларускага дзяржаўнага архіва-музея літаратуры і мастацтва “Моры рэальныя і выдуманыя. Беларускія літаратары на вакацыях”. Усе фотаматэрыялы БДАМЛМ былі прадастаўлены па дазволе дырэктара Дэпартамента па архівах і справаводстве Міністэрства юстыцыі Рэспублікі Беларусь Алега Леанідавіча Воінава.
25 студзеня 2024 года супрацоўнікі Беларускага дзяржаўнага архіва-музея літаратуры і мастацтва наведалі адкрыццё выставы “Васіль Быкаў.
