Беларускі дзяржаўны архіў-музей літаратуры і мастацтва - “Мне падарылі сонца ў дзень майго нараджэння…” Віртуальная выстава да 100-годдзя паэта, празаіка, драматурга, перакладчыка Артура Вольскага (23.09.1924-05.09.2002)

“Мне падарылі сонца ў дзень майго нараджэння…” да 100-годдзя паэта, празаіка, драматурга, перакладчыка Артура Вольскага (23.09.1924-05.09.2002)

Назву юбілейнай выставы пра паэта Артура Вольскага далі яго словы з верша “Сонца” (трыпціх “Узрост” (1967). Яго чарнавы рукапіс (1950-я) і машынапіс з рукапіснымі праўкамі захоўваецца разам з іншымі дакументамі паэта ў фондзе БДАМЛМ № 76.

Як сказаў пра сябе паэт, “маіх гадоў хапіла б на дваіх…я не адзін стары, я – двое маладых”. Яго лёс сапраўды багаты на падзеі: вучоба ў Віцебскім мастацкім вучылішчы (1938–1941), праца мастаком у БДТ-2 (Уральск), служба ў Ваенна-марскім флоце (з 1942), служба на Далёкім Усходзе, удзел у баях супраць Японіі (дэмабілізаваўся ў 1952). Працаваў у рэдакцыях: газеты “Чырвоная змена”, часопіса “Вясёлка” (адзін з яго заснавальнікаў) і “Бярозка”. З 1963 быў загадчыкам літаратурна-педагагічнай часткі, а ў 1966-78 – дырэктарам Беларускага рэспубліканскага тэатра юнага гледача. У 1978-79 – дырэктар Дома літаратараў, у 1980-84 – літкансультант Саюза пісьменнікаў Беларусі. У 1986-92 – загадчык літаратурнай часткі Дзяржаўнага тэатра лялек. Яго п’есы ставіліся ў тэатрах Беларусі і за яе межамі.

Некалькі пакаленняў беларусаў узгадаваліся на вершах і казках Артура Вольскага. Ён – аўтар звыш 40 дзіцячых кніг і стваральнік падручніка беларускай мовы “Беларусачка”. Папулярнага ў 1980-х гадах персанажа Дзеда-барадзеда прыдумаў таксама Артур Вітальевіч. Вершы і песні паэта для дзяцей – “назіральныя і па-дзіцячы гуллівыя… у займальнай форме дапамагаюць маленькаму засвоіць літары, алфавіт, роды назоўнікаў… яго “дарослыя” вершы таксама па-свойму адметныя… тут на паперу выліваецца адвечны роздум на адвечныя філасофскія тэмы” (В. Жыбуль).

Сярод творчых дасягненняў Артура Вольскага – пераклады. Ён узнавіў па-беларуску нямала твораў латышскіх, літоўскіх, рускіх, украінскіх, эстонскіх, яўрэйскіх паэтаў. У архіве паэта захоўваюцца таксама яго пераклады на беларускую мову з аварскай, даргінскай, лакскай, кумыкскай, азербайджанскай, мангольскай і інш. моў.

Выстава прэзентуе дакументы з фонда № 76, першыя часткі якога паступілі ў архіў-музей ад самога Артура Вітальевіча ў 1964 і 1974 гадах. У 2008 годзе ўдава паэта Ларыса Горцава перадала яго дакументы за 1945-2004 гады. У фондзе Артура Вольскага захоўваюцца фотаздымкі, аўтарскія рукапісы і машынапісы п’ес і лібрэта, вершаў і апавяданняў; сцэнары мастацкіх і мультыплікацыйных фільмаў, радыёоперы і рок-мюзікла, артыкулы А.Вольскага пра М.Багдановіча, В.Вітку, М.Гусоўскага, Цётку; выступленні, рэцэнзіі, пропаведзі перад вернікамі, інтэрв’ю; успаміны пра школьныя гады, службу на Далёкім Усходзе, пра Я.Купалу, П.Глебку, З.Бядулю, В.Лукшу; нарысы пра гісторыю 16-га Койданаўскага пагранатраду (па ўспамінах В.Вольскага); карэспандэнцыя ад родных, а таксама ад Я.Брыля, Э.Друлле, Л.Танюка і інш. за 1972-90-я гг. і мн. інш.

Спіс дакументаў на выставе

76_3_92_006 А.Вольскі. Фота У.Крука. [к. 1980-х]
76_2_8_010 А.Вольскі. Слова пра маці. Чарнавы аўтограф. 1967-68
76_3_26_008 А.Вольскі. Я прыйду сюды (1942). Выразка з часопіса “Беларусь”. 1974
76_2_10_006 А.Вольскі. Сусветы (цыкл вершаў “З італьянскіх нататкаў”). Машынапіс з аўтарскай праўкай. 1970

4а. 76_3_92_001 А.Вольскі. [1970-я]

76_2_4_006,7 А.Вольскі. Вожык. Аўтограф. 1956-58
76_2_2_002 А.Вольскі. Рагатка (п’еса ў 2-х дзеях для тэатра лялек). Аўтограф. 1962
76_2_27_025,026,027 А.Вольскі. Вершы для маленькіх дзяцей. Падрадковы пераклад зб. Вершаў Б.Сарына з яўрэйскай мовы. Аўтограф, машынапіс з аўтарскай праўкай. 1968
76_2_21_001,002 А.Вольскі. Пакуты кахання. Чатыры рамансы. Машынапіс з аўтарскай праўкай. 1973

8б. 76_2_38_001 А.Вольскі. 1984

76_2_13_001,004 А.Вольскі. Пра што дбаем, пра тое і спяваем. Цыкл вершаў пра дзяцей. Машынапіс. 1972
76_2_38_004 1976
76_3_26_003,007,009 Песні на словы А.Вольскага. Выразкі з газет і часопісаў. 1970-80-я
76_3_30_003,006 А.Вольскі. Чакаю, спадзяюся…/Чаму мне прыемна супрацоўнічаць з тэатрам лялек. Машынапіс з аўтарскай праўкай. 1980-я

12б. 76_3_62_002 Праграма спектакля “Званы твайго лёсу” па п’есе-казцы А.Вольскага і П.Макаля. 1980

76_3_92_008b Ілюстрацыі А.Лапіцкай да кнігі А.Вольскага “Сцяпан – вялікі пан” (1979). Выразка з часопіса. [1990-я]
76_3_69_004 Дыплом лаўрэата Літаратурнай прэміі імя Янкі Маўра, атрыманы А.Вольскім за кнігу вершаў для дзяцей “Карусель”. 1997
76_3_95_002 А.Вольскі, Р.Барадулін, Г.Бураўкін, В.Быкаў і інш. 19.06.1996
76_3_36_004 А.Вольскі. Адэлька. Песенька пра ўнучку. Выразка з газеты. 12.03.2001

16а. 76_3_92_008 А.Вольскі. Фота з часопіса. [1990-я]

76_3_23_025 А.Вольскі. У сэрцы крыўды не нашу… Аўтограф. [1990-я]

17а. 76_2_38_002 А.Вольскі. [к. 1970-х]

Прадстаўнікі дэлегацыі Санкт-Пецярбурга наведалі БДАМЛМ.

15 ліпеня 2025 года, у рамках правядзення Дзён г. Санкт-Пецярбурга ў г. Мінску, Беларускі дзяржаўны архіў-музей літаратуры і мастацтва (далей – БДАМЛМ) наведалі прадстаўнікі дэлегацыі Санкт-Пецярбурга — начальнік аддзела выкарыстання дакументаў, праектнай і арганізацыйнай работы Архіўнага камітэта Санкт-Пецярбурга Наталля Генадзьеўна Міраненка і дырэктар Санкт-Пецярбургскай дзяржаўнай казённай установы “Лабараторыя забеспячэння захаванасці дакументаў дзяржаўных архіўных устаноў Санкт-Пецярбурга” Вольга Мікалаеўна Пейба — у суправаджэнні намесніка дырэктара Дэпартамента па архівах і справаводству Міністэрства юстыцыі Рэспублікі Беларусь Аляксея Яўгенавіча Цвяткова.

БДАМЛМ на свяце паэзіі ў Вязынцы

12 ліпеня 2025 года работнікі Беларускага дзяржаўнага архіва-музея літаратуры і мастацтва (далей БДАМЛМ) прынялі ўдзел у рэспубліканскім свяце паэзіі, песні і народных рамёстваў «З адною думкаю аб шчасці Беларусі…», арганізаваным Дзяржаўным літаратурным музеем Янкі Купалы, Маладзечанскім райвыканкамам і Саюзам пісьменнікаў Беларусі ў Купалаўскім мемарыяльным запаведніку «Вязынка».

Удзел БДАМЛМ у навучальным зборы, арганізаваным галоўным упраўленнем юстыцыі Гомельскага аблвыканкама

10–11 ліпеня 2025 года дырэктар Беларускага дзяржаўнага архіва-музея літаратуры і мастацтва А.А.Макаранка сумесна з прадстаўнікамі Дэпартамента па архівах і справаводству Міністэрства юстыцыі Рэспублікі Беларусь і кіраўнікамі рэспубліканскіх архіўных устаноў (далей — РАУ) прыняла ўдзел у навучальным зборы па арганізацыі работы па ахове працы і пажарнай бяспекі, арганізаваным галоўным упраўленнем юстыцыі Гомельскага аблвыканкама ў Доме прафсаюзаў г. Гомеля.

Архіў-музей ажыўляе памяць

10 ліпеня 2025 года работнікі Беларускага дзяржаўнага архіва-музея літаратуры і мастацтва (далей – БДАМЛМ) правялі экскурсію для групы наведвальнікаў ДУ “Тэрытарыяльны цэнтр сацыяльнага абслугоўвання насельніцтва Заводскага раёна г. Мінска” па выставе “Кожная роля – галоўная”, прысвечанай 120-годзю народнай артысткі Беларусі Стэфаніі Станюты.

Дзённікі Вялікай Айчыннай вайны на тэлеэкранах

Тэлеканал «Беларусь 3» сумесна з Беларускім дзяржаўным архівам-музеем літаратуры і мастацтва (далей – БДАМЛМ) прадставіў дакументальны праект «Старонкі ваенных дзённікаў», прымеркаваны да святкавання 80-годдзя Вялікай Перамогі. Ён складаецца з некалькіх серый, пабудаваных на аснове “Запісак партызана” Пятра Валкадаева, дзённікаў Мікалая Лобана і Антона Алешкі.

«Захавальнікі часу» раскрываюць таямніцы БДАМЛМ

У свет выйшаў новы дакументальны фільм таленавітага беларускага рэжысёра Юрыя Цімафеева «Захавальнікі часу», прысвечаны 65-годдзю з дня стварэння Беларускага дзяржаўнага архіва-музея літаратуры і мастацтва (далей - БДАМЛМ). Ён здымаўся у красавіку–маі 2025 года па замове тэлеканала “Беларусь 3” Белтэлерадыёкампаніі.

Захавальнікі часу

Фільм “Захавальнікі часу”, створаны рэжысёрам Ю.Цімафеевым да 65-годдзя архіва-музея і апавядае пра яго гісторыю, паўседзённую працу і ўнёсак у захаванне і далейшае развіццё беларускай культуры

БДАМЛМ сустракаецца з НКФА “Белінкасгруп”

1 ліпеня 2025 г. у рамках святкавання Дня Незалежнасці Рэспублікі Беларусь, Беларускі дзяржаўны архіў-музей літаратуры і мастацтва (далей - БДАМЛМ) супольна з кіраўніцтвам кінатэатра “Піянер” і небанкаўскай крэдытна-фінансавай арганізацыяй “Белінкасгруп” зладзілі грамадскую сустрэчу, прысвечаную 80-годдзю Вялікай Перамогі.

З Днём Незалежнасці Беларусі!

Экскурсія ў БДАМЛМ для студэнтаў гістарычнага факультэта БДУ ў рамках акцыі “Архівы – школе”

30 чэрвеня 2025 года Беларускі дзяржаўны архіў-музей літаратуры і мастацтва (далей – БДАМЛМ) прыняў у сябе студэнтаў 2 курса гістарычнага факультэта Беларускага дзяржаўнага ўніверсітэта ў рамках рэспубліканскай акцыі “Архівы – школе”.

БДАМЛМ далучыўся да святкавання 120-годдзя Петруся Броўкі на Ушаччыне

29 чэрвеня 2025 года прадстаўнікі Беларускага дзяржаўнага архіва-музея літаратуры і мастацтва (далей – БДАМЛМ) прынялі ўдзел у літаратурным падарожжы “1.1.1”, прысвечаным 120-годдзю з дня нараджэння народнага паэта Беларусі Петруся Броўкі. Праект быў рэалізаваны ў рамках супрацоўніцтва БДАМЛМ з установамі культуры Ушацкага раёна.

Удзел БДАМЛМ у Круглым стале «Вучоны – наватар, педагог, воін (да 100-годдзя з дня нараджэння доктара гістарычных навук, прафесара К.Б.Гельмана-Вінаградава)»

26 чэрвеня 2025 года дырэктар Беларускага дзяржаўнага архіва-музея літаратуры і мастацтва (далей – БДАМЛМ) А.А.Макаранка прыняла ўдзел у круглым стале «Вучоны – наватар, педагог, воін (да 100-годдзя з дня нараджэння доктара гістарычных навук, прафесара Кіма Барысавіча Гельмана-Вінаградава)». Мерапрыемства з’яўлялася сумеснай ініцыятывай гістарычнага факультэта БДУ і Гісторыка-архіўнага інстытута Расійскага дзяржаўнага гуманітарнага ўніверсітэта. Форум прайшоў у вочна-дыстанцыйным фармаце на базе гістарычнага факультэта БДУ.

Правядзенне БДАМЛМ семінара па архіўнай справе і справаводству ў Нацыянальным мастацкім музеі Рэспублікі Беларусь

27 чэрвеня 2025 года вядучыя архівісты аддзела архіваў арганізацый і фарміравання НАФ Беларускага дзяржаўнага архіва-музея літаратуры і мастацтва Н.П.Прынько і В.І.Мазалеўская на чале з дырэктарам архіва-музея А.А.Макаранка правялі навучальны семінар для работнікаў Нацыянальнага мастацкага музея Рэспублікі Беларусь, адказных за вядзенне справаводства і архіва.

Удзел БДАМЛМ у святкаванні 120-годдзя П.У. Броўкі

25 чэрвеня 2025 года, у дзень 120-годдзя народнага паэта Беларусі Пятра Усцінавіча Броўкі, работнікі Беларускага дзяржаўнага архіва-музея літаратуры і мастацтва (далей – БДАМЛМ) наведалі адкрыццё выставы “Шаржы на Петруся Броўку” ў Літаратурным музее Петруся Броўкі, прымеркаванай да юбілею народнага паэта Беларусі.

Удзел БДАМЛМ у круглым стале да 120-годдзя П.У.Броўкі

25 чэрвеня 2025 года, вядучы архівіст аддзела інфармацыі, публікацыі і выкарыстання дакументаў Беларускага дзяржаўнага архіва-музея літаратуры і мастацтва (далей – БДАМЛМ) Н.А.Мізон прыняла ўдзел у круглым стале і выступіла з паведамленнем “Лісты Петруся Броўкі да Яўгена Мазалькова – эпісталярый, што адкрывае свет паэта (з дакументаў БДАМЛМ)”. Мерапрыемства адбылося ў Літаратурным музеі Петруся Броўкі і было прымеркавана да юбілею народнага паэта Беларусі.

Удзел БДАМЛМ у рэспубліканскай навуковай канферэнцыі, прысвечанай 125-годдзю з дня нараджэння класіка беларускай літаратуры К.Чорнага

24 чэрвеня 2025 года ў Цэнтры даследаванняў беларускай культуры, мовы і літаратуры Інстытута літаратуразнаўства імя Янкі Купалы Нацыянальнай акадэміі навук Беларусі адбылася Рэспубліканская навуковая канферэнцыя “Кузьма Чорны: пра чалавека, жыццё, беларускае”, прысвечаная 125-годдзю з дня нараджэння класіка беларускай літаратуры.

Падзяка Аддзялення гуманітарных навук і мастацтва НАН Беларусі ў адрас БДАМЛД

Лідзія Арабей: сэрцам да Цёткі, словам да людзей...

Лідзія Арабей: сэрцам да Цёткі, словам да людзей...

БДАМЛМ прадстаўляе віртуальную выставу «Лідзія Арабей: сэрцам да Цёткі, словам да людзей…»

Беларускі дзяржаўны архіў-музей літаратуры і мастацтва прадстаўляе віртуальную выставу «Лідзія Арабей: сэрцам да Цёткі, словам да людзей…», прысвечаную беларускай пісьменніцы і літаратуразнаўцы Лідзіі Львоўне Арабей, якой 27 чэрвеня 2025 года спаўняецца 100 год.

«Лідзія Арабей: сэрцам да Цёткі, словам да людзей… » да 100-годдзя з дня нараджэння пісьменніцы і літаратуразнаўцы Лідзіі Львоўны Арабей

У БДАМЛМ прайшоў Адзіны дзень інфармавання

20 чэрвеня 2025 года ў Беларускім дзяржаўным архіве-музеі літаратуры і мастацтва (далей – БДАМЛМ) прайшоў Адзіны дзень інфармавання, прысвечаны тэме: «Беларусь – краіна магчымасцяў. Маладзёжная палітыка на сучасным этапе».

Удзел БДАМЛМ у прамым эфіры праграмы “Дыялогі пра культуру” на канале “Культура” Беларускага радыё

16 чэрвеня 2025 года дырэктар Беларускага дзяржаўнага архіва-музея літаратуры і мастацтва (далей – БДАМЛМ) А.А.Макаранка прыняла ўдзел у прамым эфіры праграмы “Дыялогі пра культуру” з вядучай Алай Івановай на канале “Культура” Беларускага радыё.

Юбілейнае мерапрыемства БДАМЛМ у эфіры тэлеканала “Беларусь 3”

15 чэрвеня 2025 года на тэлеканале “Беларусь 3” у праграме “Культурны тыдзень” выйшаў у эфір рэпартаж, прысвечаны святкаванню 65-годдзя Беларускага дзяржаўнага архіва-музея літаратуры і мастацтва (далей – БДАМЛМ).

Удзел БДАМЛМ у праграме “Вайна між радкоў” Тэлерадыёкампаніі “Гомель”

13 чэрвеня 2025 года вядучы архівіст Беларускага дзяржаўнага архіва-музея літаратуры і мастацтва (далей – БДАМЛМ) Наталля Аляксандраўна Мізон прыняла ўдзел у здымках праграмы “Вайна між радкоў”, якую рыхтуе тэлерадыёкампанія “Гомель”.

БДАМЛМ на “Творчым вечары” Галіны Шаблінскай

12 чэрвеня 2025 года на Першым Нацыянальным канале Беларускага радыё ў культурна-пазнавальнай аўтарскай праграме Галіны Шаблінскай “Творчы вечар”, прысвечанай 65-гадоваму юбілею Беларускага дзяржаўнага архіва-музея літаратуры і мастацтва (далей - БДАМЛМ), прынялі ўдзел А.А.Макаранка, дырэктар архіва-музея, М.І.Пышынская, загадчык аддзела архіваў арганізацый і фарміравання

Удзел БДАМЛМ у інтэрв’ю карэспандэнту Агенцтва «Мінск-Навіны»

10 чэрвеня 2025 года ў газеце “Мінскі кур’ер” (№ 43 (4028) было апублікавана інтэрв’ю дырэктара Беларускага дзяржаўнага архіва-музея літаратуры і мастацтва (далей – БДАМЛМ) Алены Аляксандраўны Макаранка, дадзенае карэспандэнту інфармацыйнага агенцтва “Мінск-Навіны” з нагоды знаменальнага юбілея ўстановы — 65-годдзя.

АНТ выявіла храм муз, веліч і таямніцы ў БДАМЛМ

9 чэрвеня 2025 года, у дзень святкавання 65-годдзя Беларускага дзяржаўнага архіва-музея літаратуры і мастацтва (далей — БДАМЛМ), у “Нашых навінах” тэлеканала АНТ выйшаў рэпартаж, прысвечаны гэтай падзее.

БДАМЛМ святкуе 65-летні юбілей

9 чэрвеня 2025 года адбылося ўрачыстае мерапрыемства, прысвечанае 65-годдзю ўстановы “Беларускі дзяржаўны архіў-музей літаратуры і мастацтва” (далей – БДАМЛМ). Дырэктар Дэпартамента па архівах і справаводству Міністэрства юстыцыі рэспублікі Беларусь Алег Леанідавіч Воінаў выступіў з прывітальным словам у адрас архіва-музея. Павіншаваць калектыў БДАМЛМ прыйшлі калегі: дырэктара і работнікі архіваў і музеяў, дзеячы культуры і мастацтва, прафсаюзныя лідары. Удзельнікаў мерапрыемства гасцінна прыняла Мастацкая галерэя Міхаіла Савіцкага. Архівісты з нецярпеннем чакаюць абноўленых пасля рамонту ўласных памяшканняў у гістарычным будынку па вуліцы Кірыла і Мяфодзія, 4.

Акцыя “Архівы-школе” ў БДАМЛМ для навучэнцаў ДУА “Сярэдняя школа № 77 г. Мінска”

5 чэрвеня 2025 года у рамках акцыі “Архівы – школе” навучэнцы ДУА “Сярэдняя школа №77 г. Мінска” пабывалі на экскурсіі ў Беларускім дзяржаўным архіве-музеі літаратуры і мастацтва (далей – БДАМЛМ). Наведванне архіва-музея стала не толькі магчымасцю дакрануцца да багатай культурнай спадчыны Беларусі, але і пагрузіцца ў атмасферу старадаўняй архітэктуры будынка былога касцёла бернардзінцаў.

Інтэрв’ю БДАМЛМ для карэспандэнта БелТА аб рабоце першай тэатральнай брыгады ў гады вайны

1 чэрвеня 2025 г. на сайце БелТА апублікавана інтэрв’ю загадчыка аддзела інфармацыі, публікацыі і выкарыстання дакументаў Беларускага дзяржаўнага архіва-музея літаратуры і мастацтва (далей — БДАМЛМ) Веры Валянцінаўны Бірулі “Ішлі праз балоты, выступалі на лясных палянах. Як артысты набліжалі перамогу, падтрымліваючы баявы дух салдат”, прысвечанае дзейнасці артыстаў у цяжкія гады Вялікай Айчыннай вайны. Асаблівую ўвагу В.В.Біруля надала стварэнню і дзейнасці першай эстрадна-тэатральнай брыгады для абслугоўвання дзеючых часцей Чырвонай Арміі.

Віртуальная выстава “Васіль Вітка – паэт дзіцячай душы” прысвечана Міжнароднаму дню абароны дзяцей

Беларускі дзяржаўны архіў-музей літаратуры і мастацтва (далей – БДАМЛМ) шчыра віншуе ўсіх дзяцей і дарослых з Міжнародным днём абароны дзяцей! Няхай кожнае дзіця расце ў любові, бяспецы і шчасці, а творчасць і дабрыня заўсёды будуць суправаджаць іх жыццё!

Артыкул пра В. Вітку да 70-годдзя з дня яго нараджэння. Газета “Вечерний Минск”. 16 мая 1981. г. Мінск. Ф. 419. Воп. 1. Адз. зах. 347. Л. 3.

“Голас настаўніка”. Успаміны пра В. А. Сухамлінскага. Машынапіс. Ф. 419. Воп. 1. Адз. зах. 200. Л. 15.

“Голас настаўніка”. Успаміны пра В. А. Сухамлінскага. Аўтограф. 1979. Ф. 419. Воп. 1. Адз. зах. 200. Л. 1.

Удзячнасць “Вясёлцы”да юбілея часопіса “Вясёлка” ад В. Віткі. 1977. Ф. 419. Воп. 11. Адз. зах. 157. Л. 1-2.

Падборка вершаў В. Віткі для дзяцей. Аўтограф. 1982. Ф. 419. Воп. 1. Адз. зах. 27. Л. 2.

Падборка вершаў В. Віткі для дзяцей. Аўтограф. 1982. Ф. 419. Воп. 1. Адз. зах. 27. Л. 1.

Ліст ад настаўнікаў і вучняў Селішчанскай сярэдняй школы. 1979. Ф. 419. Воп. 1. Адз. зах. 305. Л. 2.

Апавяданне “Калыханка”. Варыянты. Аўтограф. 1981. Ф. 419. Воп. 1. Адз. зах. 78. Л. 4.

Апавяданне “Самая дарагая рэч у нашым доме”. Варыянты. Аўтограф. 1977. Ф. 419. Воп. 1. Адз. зах. 78. Л. 1.

Дыплом лаўрэата дзяржаўнай прэміі БССР В. Віткі за кнігі “Беларуская калыханка”, “Казкі”, “Чытанка-маляванка”. Натарыяльная копия. 1972. Ф. 419. Воп. 1. Адз. зах. 342. Л. 1.

Фотаздымак В.Віткі сярод дзяцей у Мялешкаўскай школе Слуцкага района. 1977. Ф. 419. Воп. 1. Адз.зах. 411. Л. 1.

Васіль Вітка – паэт дзіцячай душы

Беларускі дзяржаўны архіў-музей літаратуры і мастацтва (далей – БДАМЛМ) прадстаўляе дакументы з фондаў Васіля Віткі (Цімохі Васільевіча Крысько) – выбітнага паэта, празаіка, драматурга, крытыка, педагога, у 1957 – 1974 гг. галоўнага рэдактара часопіса “Вясёлка”, паэтычны талент якога асабліва выявіўся ў твopax для дзяцeй.

Удзел БДАМЛМ у спаборніцтвах санітарных фарміраванняў грамадзянскай абароны Цэнтральнага раёна г. Мінска

30 мая 2025 года санітарнае звяно БДАМЛМ у складзе: камандзіра санітарнага звяна – Н.П.Прынько, сандружыннікаў – М.А.Філімонцавай, Н.А.Кручок, І.Г.Максімавіч прынялі ўдзел у ролі назіральнікаў штогадовых раённых спаборніцтваў санітарных фарміраванняў грамадзянскай абароны Цэнтральнага раёна г. Мінска, арганізаваных у адпаведнасці з Планам асноўных мерапрыемстваў па падрыхтоўцы органаў кіравання і сілаў Цэнтральнага раённага звяна Мінскай гарадской падсістэмы ДСНС на 2025 год.

БДАМЛМ на круглым стале «Кінафотадакумент як гістарычная памяць аб подзвігу савецкага народа ў Вялікай Айчыннай вайне»

29 мая 2025 года ў Музеі гісторыі беларускага кіно адбыўся круглы стол “Кінафотадакумент як гістарычная памяць аб подзвігу савецкага народа ў Вялікай Айчыннай вайне”, прысвечаны 80-годдзю Вялікай Перамогі, арганізаваны Цэнтрам даследавання беларускай культуры, мовы і літаратуры Нацыянальнай акадэміі навук Беларусі, Нацыянальным гістарычным музеем і Беларускім дзяржаўным архівам кінафотадакументаў.

Удзел БДАМЛМ ў III аглядзе-конкурсе мастацкай самадзейнасці сярод рэспубліканскіх архіўных устаноў

29 мая 2025 года адбыўся III агляд-конкурс мастацкай самадзейнасці сярод рэспубліканскіх архіўных устаноў, арганізаваны Дэпартаментам па архівах і справаводстве.

Работнікі БДАМЛМ наведалі сумесную выставу “Шляхам гадоў...” у Дзяржаўным літаратурным музеі Янкі Купалы

28 мая 2025 г. работнікі Беларускага дзяржаўнага архіва-музея літаратуры і мастацтва (далей – БДАМЛМ) наведалі выставу “Шляхам гадоў...” у Дзяржаўным літаратурным музеі Янкі Купалы. Гэтая выстава з'яўляецца сумесным праектам літаратурнага музея Янкі Купалы і БДАМЛМ, прысвечаным стагоддзю прысваення Янку Купалу высокага звання першага народнага паэта Беларусі.

Работнікі БДАМЛМ наведалі экспазіцыю «Дарога да перамогі» ў Міжнародным выставачным цэнтры Belexpo

28 мая 2025 года работнікі Беларускага дзяржаўнага архіва-музея літаратуры і мастацтва (далей – БДАМЛМ) на чале з дырэктарам Аленай Аляксандраўнай Макаранка наведалі часовую экспазіцыю ў Міжнародным выставачным цэнтры Belexpo «Дарога да перамогі», прымеркаваную 80-годдзю Вялікай Перамогі.

Анлайн-выстава «Народны беларускі паэт Янка Купала. Па старонках жыцця і творчасці» ў рамках сумеснага з Рэспублікай Татарстан праекта «Дзень у гісторыі»

“XXV Узвышаўскія чытанні” ў БДАМЛМ

22 мая 2025 г. у Беларускім дзяржаўным архіве-музеі літаратуры і мастацтва (далей – БДАМЛМ) адбыліся XXV Узвышаўскія чытанні “Аўтар і архівы: захаванне і даследаванне літаратурнай і мастацкай спадчыны”. Узвышаўскія чытанні – штогадовая міждысцыплінарная канферэнцыя, якая арганізуецца БДАМЛМ з 2000 г. Яна атрымала сваю назву ў гонар беларускага літаратурна-творчага аб’яднання “Узвышша”, што дзейнічала ў 1926 – 1931 гг.

Наверх