Гэта першы нямецкамоўны пераклад кнігі Алеся Адамовіча, Янкі Брыля, Уладзіміра Калесніка «Я з вогненнай вёскі», які змяшчае фотадакументы з фонду Уладзіміра Калесніка, што захоўваюцца ў БДАМЛМ.
«Я з вогненай вёскі» — дакументальны зборнік успамінаў аб знішчэнні гітлераўскімі захопнікамі беларускіх вёсак і аб партызанах падчас Вялікай Айчыннай вайны, сабраны і складзены беларускімі пісьменнікамі Алесем Адамовічам, Уладзімірам Калеснікам і Янкам Брылём.У кнігу ўвайшлі сведчанні толькі тых людзей, якія асабіста перажылі трагедыю спаленых вёсак, забойствы родных і аднавяскоўцаў.
Для апытання відавочцаў пісьменнікі на працягу 1970–1973 гадоў аб’ездзілі з магнітафонам 147 вёсак у 35 раёнах БССР і запісалі ўспаміны больш за 300 непасрэдных удзельнікаў падзей.БДАМЛМ выявіў і прадставіў для публікацыі лічбавыя копіі больш за 80 дакументаў.
