- Галоўная
- Пра нас
- Навукова-даведачны апарат
- Выставы
- Чытальная зала
- Запыты і паслугі
- Звароты грамадзян і юрыдычных асоб
- Электронны зварот
У ВПШ г. Мінска ў дні работы 6 з’еда пісьменнікаў БССР, сустрэча са слухачамі школы, 1971 г.; Г. Бураўкін, П. Панчанка, А.А. Савіцкі, І. Шамякін
Марцэлеў, Лабун, Толсцік, А.А.Савіцкі і інш. пісьменнікі на камуністычным суботніку на аўтазаводзе ў Мінску, 1971 г.
А.А.Савіцкі ў групе з А.М.Адамовічам, М.І.Аляксеевым, А.Ц.Бажко, М.І.Калачынскім, У.Б.Карпавым, Г.С.Цітовым і іншымі асобамі ў “Зорным гарадку” пасля нарады ў Маскве па пытаннях ваеннай літаратуры, 1972 г.”
А.А.Савіцкі з Г.М.Бураўкіным, Я.Сіпаковым і інш. у час дзён беларускай літаратуры на Віцебшчыне; г. Полацк, 13.05.1977 г.
Аляксандр Ануфрыевіч Савіцкі – значная постаць у беларускай літаратуры ХХ ст.
Беларускі дзяржаўны архіў-музей літаратуры і мастацтва віншуе ўсіх датычных з Днём абаронцаў Айчыны і Узброеных Сіл Рэспублікі Беларусь. Гэта сапраўды свята сумленных, моцных і мужных людзей, якія заўсёды гатовы прыйсці на дапамогу. Дзень абаронцаў Айчыны увасаблівае сувязь пакаленняў, павагу да нашага мінулага.
22 лютага 2024 года работнікі Беларускага дзяржаўнага архіва-музея літаратуры і мастацтва ўзялі ўдзел у адкрыцці сумеснай з Літаратурным музеем Максіма Багдановіча мастацка-дакументальнай выставы “Мілая мая Марылька!”, прысвечанай 155-годдзю з дня нараджэння маці генія беларускай літаратуры Марыі Багдановіч.
22 лютага 2024 года напярэдадні 23 лютага і да 92-годдзя Івана Якімавіча Міско – народнага мастака Беларусі, работнікі Беларускага дзяржаўнага архіва-музея літаратуры і мастацтва наведалі майстэрню-музей І.Я. Міско, дзе выдатны беларускі скульптар творыць ужо многія гады.
21 лютага 2024 года работнікі Беларускага дзяржаўнага архіва-музея літаратуры і мастацтва па запрашэнні кіраўніцтва Дзяржаўнага літаратурна-мемарыяльнага музея Якуба Коласа прынялі ўдзел у творчай сустрэчы з заслужаным артыстам Рэспублікі Беларусь Аляксандрам Саладухам у межах эксклюзіўнага музейнага праекта “Простыя словы: 65.0”.
21 лютага 2024 года да Міжнароднага дня роднай мовы і ў рамках Рэспубліканскай акцыі “Архівы – школе” Беларускі дзяржаўны архіў-музей літаратуры і мастацтва правёў экскурсію для навучэнцаў 9-га класа ДУА “Сярэдняя школа №2 г. Мінска”. Увазе вучняў у чытальнай зале архіва была прадстаўлена выстава “Перад сабой і светам будзь праўдзівы…”, прысвечаная 110-годдзю народнага паэта Беларусі Аркадзя Куляшова, творы якога знаёмыя кожнаму чалавеку з самага дзяцінства. Трэба адзначыць, што і дзеці, і работнікі БДАМЛМ размаўлялі выключна на беларускай мове, такім чынам далучыўшыся да святкавання Міжнароднага дня роднай мовы.
21 лютага 2024 года ў Беларускім дзяржаўным архіве-музеі літаратуры і мастацтва адбыўся справаздачна-выбарны сход членаў першаснай прафсаюзнай арганізацыі (далей — ППА) БДАМЛМ. З дакладам аб дзейнасці прафсаюзнага камітэта ППА архіва-музея за перыяд са студзеня 2020 года па люты 2024 года выступіла старшыня ППА Марына Аляксееўна Філімонцава. Са справаздачай аб рабоце рэвізійнай камісіі за дадзены перыяд выступіла член камісіі Таццяна Віктараўна Кекелева. Па выніках прадстаўленых дакладаў сход прагаласавала за прызнанне дзейнасці прафсаюзнага камітэта ППА здавальняючай.
20 лютага 2024 года ў гасцях у Беларускага дзяржаўнага архіва-музея літаратуры і мастацтва пабываў карэспандэнт перадачы “Літаратурны калейдаскоп” Першага нацыянальнага канала беларускага радыё.
19 лютага 2024 года ў адрас Беларускага дзяржаўнага архіва-музея літаратуры і мастацтва накіравана Падзяка Лідскага гісторыка-мастацкага музея за актыўны ўдзел у арганізацыі сумеснай выставы “У дом твой сцежка прывяла сама…”, прымеркаванай да 110-годдзя з дня нараджэння Валянціна Таўлая.
