Голас паэта – адзін з самых своеасаблівых і непаўторных у беларускай паэзіі, яго лепшыя творы – класіка беларускай літаратуры.
У біяграфію Аркадзя Куляшова ўвайшлі знакавыя падзеі гісторыі краіны, якія былі перажыты чулай душой паэта. Праз нястомныя шуканні і блуканні, наватарскія апрабацыі паэтыкі і ўдасканаленне майстэрства перакладу, пакуты пераасэнсавання старога і тварэнне новага мастацкага свету далі нашай культуры магутны ліра-эпічны талент паэта.
Выстава “Перад сабой і светам будзь праўдзівы…” прадстаўляе дакументы з фонду Аркадзя Куляшова, якія з’яўляюцца сведчаннем жыццёвага шляху паэта, прэзентуюць яго паэтычную спадчыну, распавядаюць пра сяброўскія і творчыя стасункі.
Вул. Кірылы і Мяфодзія, 4 (чытальная зала БДАМЛМ)
Даведкі па тэлефоне: 316-47-81
