Беларускі дзяржаўны архіў-музей літаратуры і мастацтва

6 кастрычніка 2022 г. у Беларускім дзяржаўным архіве-музеі літаратуры і мастацтва адбыліся чарговыя Архіўныя чытанні, юбілейныя ва ўсіх сэнсах: і дваццатыя па ліку, і прымеркаваныя да знакавай даты – 100-годдзя Дзяржаўнай архіўнай службы Беларусі. Асноўная тэма канферэнцыі была сфармулявана як “Фонды асабістага паходжання – крыніцы гістарычнай памяці народа”.

1 кастрычніка 2021 г. у Беларускім дзяржаўным архіве-музеі літаратуры і мастацтва прайшлі чарговыя ХІХ Архіўныя чытанні. Гэтым разам канферэнцыя была прымеркаваная не толькі да Дня архівіста, але і да 100-годдзя Дзяржаўнай архіўнай службы Беларусі, а таксама да юбілеяў вядомых дзеячаў культуры, на якія багаты сёлетні год.

2 кастрычніка 2020 г. у Беларускім дзяржаўным архіве-музеі літаратуры і мастацтва прайшлі XVIII Архіўныя чытанні, аб’яднаныя з ХХ Узвышаўскімі чытаннямі, перанесенымі з мая па прычыне неспрыяльнага эпідэміялагічнага становішча. Канферэнцыя была прымеркаваная адначасова да Дня архівіста і 60-годдзя з часу заснавання БДАМЛМ.

3 кастрычніка 2019 г., напярэдадні Дня архівіста, адбыліся чарговыя ХVІІ Архіўныя чытанні. Гэтым разам асноўнымі тэматычнымі кірункамі чытанняў былі ўзаемадзеянне і супрацоўніцтва Беларускага дзяржаўнага архіва-музея літаратуры і мастацтва з Нацыянальным архівам Рэспублікі Беларусь, а таксама дакументальная спадчына партархіваў, пытанні яе гісторыі і навуковага выкарыстання.