Яна звязана з баявой дзейнасцю вядомага партыйнага і дзяржаўнага дзеяча Беларусі Віктара Ільіча Лівенцава. З першых дзён вайны ён удзельнічаў у абарончых баях на тэрыторыі сучасных Гарадзенскай і Брэсцкай абласцей, потым, апынуўшыся ў акружэнні, у акупаваным Бабруйску стварыў падпольную групу, а затым буйны партызанскі атрад, стаў яго камандзірам. У 1943 годзе атрад Лівенцава загадам Цэнтральнага штаба партызанскага руху быў ператвораны ў 1-ю Бабруйскую партызанскую брыгаду, якая дзейнічала на тэрыторыі сучасных Магілёўскай і Гомельскай абласцей Беларусі.
Выстаўка знаёміць з баявой дзейнасцю 1-й Бабруйскай партызанскай брагады. Пад камандаваннем 25‑гадовага палкоўніка Віктара Ільіча Лівенцава яна дзейнічала ў Бабруйскім і Асіповіцкім раёнах Магілёўскай вобласці і Парыцкім раёне Палескай вобласці. Партызаны прымалі ўдзел у “рэйкавай вайне” каля Бабруйска.
Фота, малюнкі і схемы ўзяты з фондаў БДАМЛМ. Можна наглядна ўбачыць партрэты партызан брыгады, адлюстраваны іх баявыя справы. Асаблівую цікавасць уяўляюць малюнкі з жыцця партызан Бабруйскай партызанскай брыгады, аўтар якіх – мастак-партызан Леанід Бойка. Схемы паказваюць масштабы баявых дзеянняў брыгады.
Запрашаем пазнаёміцца з матэрыяламі выстаўкі па наступнай спасылцы:
