Асноўнай мэтай правядзення мерапрыемства з’яўляецца павышэнне прафесійнай падрыхтоўкі фарміраванняў грамадзянскай абароны і падтрыманне іх у пастаяннай гатоўнасці да дзеянняў у надзвычайных сітуацыях прыроднага і тэхнагеннага характару. Спаборніцтвы праводзіліся на пляцоўцы ў лесапаркавай зоне Дразды.
У спаборніцтве прынялі ўдзел 11 каманд (8 санзвёнаў і 3 сандружыны), якія павінны былі прайсці пяць этапаў выпрабаванняў: на першым этапе каманды дэманстравалі ўвесь неабходны рыштунак і ўменне апранаць процігаз, на другім–чацвёртым – зладжаную працу ў агменях камбінаванай паразы, хімічнага і інфекцыйнага заражэнняў, на пятым, заключным, каманды дэманстравалі свае тэарэтычныя веды.
Па выніках спаборніцтваў былі абвешчаны пераможцы сярод санітарных звёнаў і дружын, а таксама пераможцы ў намінацыях: лепшы камандзір санітарнага звяна і дружыны, лепшы санітарны дружыннік санітарнага звяна і дружыны. Усім пераможцам былі ўручаны памятныя прызы.
