У адпаведнасці з Планам сумесных мерапрыемстваў па рэалізацыі пагаднення аб супрацоўніцтве ў сферы архіўнай справы, арганізатарамі канферэнцыі выступілі Дэпартамент па архівах і справаводстве Міністэрства юстыцыі Рэспублікі Беларусь, Міністэрства па справах архіваў Пензенскай вобласці і Упраўленне дзяржаўнай архіўнай службы Самарскай вобласці.
Асноўным праблемным полем канферэнцыі з'яўлялася нарматыўна-метадычнае забеспячэнне работы з фондамі асабістага паходжання, пытанні камплектавання, уліку, забеспячэння захаванасці і выкарыстання гэтага віду дакументаў.
З прывітальным словам да ўдзельнікаў канферэнцыі выступілі міністр па справах архіваў Пензенскай вобласці З.Х. Бібарсаў, часова-выконваючы абавязкі кіраўніка дзяржаўнай архіўнай службы Самарскай вобласці Д.А. Трэзінава.
Намеснік дырэктара Дэпартамента па архівах і справаводстве Міністэрства юстыцыі Рэспублікі Беларусь А.Я. Цвяткоў у сваім уступным слове выказаў словы ўдзячнасці за плённае супрацоўніцтва з органамі архіўнай справы і справаводства і архіўнымі ўстановамі Расійскай Федэрацыі, яшчэ раз падкрэсліў важнасць захавання фондаў асабістага паходжання для будучых пакаленняў, у тым ліку і памяці аб падзеях Вялікай Айчыннай вайны.
У працы канферэнцыі прынялі ўдзел прадстаўнікі БДАМЛМ, НАРБ і архіўных устаноў з 22 рэгіёнаў РФ.
Выказваем словы ўдзячнасці расійскім калегам-архівістам за прадстаўленую магчымасць падзяліцца вопытам працы і спадзяемся на далейшае плённае супрацоўніцтва.
