Дырэктар музея І.У.Мацяс распавяла пра новыя атмасферныя праекты, якія дазваляюць адаптаваць мемарыяльную прастору музея для людзей з абмежаванымі магчымасцямі, «вымераць» далёкую і, здавалася б, недаступную паэтычную пару рознымі пачуццямі: дотыкам, нюхам, зрокам, слыхам. А яшчэ дакрануцца да “культуры без бар’ераў”.
Экспазіцыю музея ўпрыгожылі каля 20 букетаў Святланы Клімянковай. У дар музею быў перададзены букет з шоўку ручной працы, зроблены па выяве з каляровай фатаграфіі з Я.Коласам, знятым карэспандэнтам БелТА ў жніўні 1952 г.
Выстава працягне працу ў Дзяржаўным літаратурна-мемарыяльным музеі імя Якуба Коласа з 4 па 8 сакавіка ўключна.
