Напярэдадні юбілейнай даты ў сценах Беларускага дзяржаўнага архіва-музея літаратуры і мастацтва (далей – БДАМЛМ) адбыліся здымкі рэпартажу для праграмы «Навіны культуры» тэлеканала «Беларусь 3». У архіве-музеі беражліва захоўваецца багаты сямейны фонд Клімавай-Душачкіных.
Сын Аляксандры Клімавай, акцёр Тэатра імя М. Горкага Андрэй Душачкін у сваім інтэрв’ю праграме падзяліўся цеплымі ўспамінамі пра тое, якой Аляксандра Іванаўна запомнілася сваім родным і блізкім, а таксама пра яе беззаветную адданасць тэатральнаму мастацтву.
Падчас працы над сюжэтам карэспандэнт Алеся Давідовіч выкарыстала ўнікальныя архіўныя дакументы, фатаграфіі і асабістыя матэрыялы з фонда Клімавай-Душачкіных, якія раскрываюць яркі творчы шлях і прыватнае жыццё легендарнай актрысы.
Паглядзець рэпартаж праграмы «Навіны культуры» можна па спасылцы.
