Беларускі дзяржаўны архіў-музей літаратуры і мастацтва

17 ліпеня 2024 года вучні 4 “З” класа наведалі архіў-музей. Малодшых школьнікаў зацікавіў незвычайны будынак, у якім пануе прахалода ў летнюю спёку. Увагу вучняў прыцягнулі як мураваныя сцены з парэшткамі барочнай ляпніны, так і сённяшняе напаўненне гэтых сценаў – архівы мастакоў, літаратараў, кампазітараў, устаноў культуры. Дзеці задавалі шмат дасціпных пытанняў, разам з архівістамі разважалі над праблемамі захавання гістарычных і культурных артэфактаў. Школьнікі пазнаёміліся з выставай “Сам-насам з вечнасцю” да 100-годдзя народнага пісьменніка Беларусі В. Быкава, задумаліся над тэматыкай яго твораў. Пры аглядзе выставы “Думка. Адкрытасць душы. Пачуццё…” да 90-годдзя народнага артыста Беларусі  Ю. Ступакова наведвальнікі распавялі пра свой тэатральны досвед. На развітанне, вучні паабяцалі пераказаць убачанае ў архіве бацькам і сябрам.