У ходзе экскурсіі прадстаўнікі «срэбнага ўзросту» пазнаёміліся з гісторыяй стварэння архіва-музея, даведаліся аб тым, з якімі цяжкасцямі сутыкнуліся першыя архівісты, аб дзейнасці БДАМЛМ у нашы дні, у тым лікуі аб асноўных напрамках працы ўстановы.
Госці архіва пазнаёміліся з літаратурна-дакументальнымі выставамі, якія экспануюцца ў чытальнай зале. Вядучы архівіст Т.А.Анпілогава прадставіла літаратурна-дакументальную выставу «Я справай абраў сабе слова», прысвечаную 100-годдзю з дня нараджэння беларускага паэта, празаіка, перакладчыка Навума Кісліка. Вядучы архівіст Н.А.Мізон распавяла наведвальнікам аб экспазіцыі «Кожная роля – галоўная», прымеркаванай да 120-годдзя народнай артысткі СССР, актрысы тэатра і кіно Стэфаніі Станюты.
Падчас экскурсіі ў наведвальнікаў была ўнікальная магчымасць дэталёва пазнаёміцца з прадстаўленымі на выставах дакументамі.
Экскурсія пакінула ў гасцей станоўчыя эмоцыі і ўражанні.
