Сардэчна запрашаем!

Сайт Установы "Беларускі дзяржаўны архіў-музей літаратуры і мастацтва".

На сайце змешчаны апошнія навіны, звязаныя з дзейнасцю архіва-музея. Вы можаце даведацца пра новыя дакументы і матэрыялы, якія прайшлі навуковае апісанне, пра выставы, падрыхтаваныя работнікамі БДАМЛМ, пра навуковыя канферэнцыі і іншыя падзеі ў жыцці архіва-музея.

​У раздзеле "Пра архіў" Вы знойдзеце інфармацыю пра структуру нашага архіва-музея, пра яго гісторыю і гісторыю будынкаў, у якіх ён месціўся за час свайго дзеяння. У падраздзеле "Наша фотагалерэя" прапануем Вашай увазе фотаздымкі з канферэнцый, выставаў, прэзентацый і іншых мерапрыемстваў, якія праводзіць архіў-музей.

У архіве-музеі захоўваюцца дакументы і матэрыялы па гісторыі літаратуры, выяўленчага мастацтва, тэатра і музыкі Беларусі ад пачатку 19 ст. да нашых дзён. Для пошуку неабходных матэрыялаў скарыстайцеся раздзелам "Фонды", дзе размешчаны спіс фондаў, звесткі аб колькасці адзінак захоўвання, крайніх датах. Анатаваны спіс фондаў таксама даступны на сайце "Архівы Беларусі" па спасылцы: http://fk.archives.gov.by/catalogue/11/1/. Пры жаданні, Вы таксама можаце азнаёміцца з алфавітным пералікам фондаў дзеячаў беларускай літаратуры і мастацтва, дзяржаўных і недзяржаўных устаноў і грамадскіх арганізацый. У падраздзеле "Даведнікі па фондах" у электронным выглядзе размешчаны першы (паступленні 1960-1992 гг.) і другі (паступленні 1993-2009 гг.) выпускі даведнікаў па фондах архіва-музея. У падраздзеле "Вопісы спраў фондаў" у электронным выглядзе размешчаны вопісы спраў некаторых фондаў (падраздзел будзе рэгулярна папаўняцца).

У раздзеле "Выставы" змяшчаецца інфармацыя пра выставы, якія зараз працуюць ў архіве-музеі. Выкладзены віртуальныя выставы і некаторыя матэрыялы папярэдніх мерапрыемстваў.

Беларускі дзяржаўны архіў-музей літаратуры і мастацтва, пачынаючы з 1999 г., рэгулярна ладзіць навуковыя канферэнцыі – Узвышаўскія і Архіўныя чытанні. Больш падрабязна даведацца пра іх Вы можаце ў раздзеле "Навуковая дзейнасць". У падраздзеле "Выданні" можна знайсці інфармацыю аб выданнях, якія ўбачылі свет пры непасрэдным удзеле архіва-музея.

Знайшлі цікавыя матэрыялы і жадаеце працаваць з дакументамі? Раздзел "Чытальная зала / паслугі" дапаможа Вам даведацца аб графіку работы чытальнай залы, парадку карыстання архіўнымі дакументамі і кошце платных паслуг.

Раздзелы "Адміністрацыйныя працэдуры" і "Звароты грамадзян і юрыдычных асоб" дапамогуць Вам пры звароце па сацыяльна-прававых і іншых падобных пытаннях.

Як нас знайсці? У раздзеле "Кантакты" знаходзіцца ўся неабходная інфармацыя.