Чытанні адкрыў архімандрыт, рэктар Мінскай духоўнай акадэміі, кандыдат багаслоўя, дацэнт Апанас (Сакалоў).
З прывітаннем да ўдзельнікаў канферэнцыі звярнуліся мітрапаліт Мінскі і Заслаўскі, Патрыяршы Экзарха ўсяе Беларусі Веніямін, дэкан гістарычнага факультэта Беларускага дзяржаўнага ўніверсітэта, доктар гістарычных навук, прафесар А.Г.Каханоўскі, старшыня Слаўгарадскага раённага Савета дэпутатаў Магілёўскай вобласці С.А.Язерская.
З пленарнымі дакладамі выступілі загадчык кафедры царкоўнай гісторыі і царкоўна-практычных дысцыплін Мінскай духоўнай акадэміі, кандыдат гістарычных навук, прафесар В.А.Цяплова, архімандрыт, рэктар Мінскай духоўнай акадэміі, кандыдат багаслоўя, дацэнт Апанас (Сакалоў), протаіерэй, прарэктар па навуковай рабоце Санкт-Пецярбургскай духоўнай акадэміі, кандыдат багаслоўя, кандыдат гістарычных навук, дацэнт Канстанцін Кастрамін, протаіерэй, сакратар Гомельскага епархіяльнага ўпраўлення Георгій Алампіеў і дацэнт Мінскай духоўнай акадэміі, кандыдат гістарычных навук Аляксандр Гронскі.
Асноўнай мэтай канферэнцыі з’яўлялася асэнсаванне духоўнай і культурнай спадчыны манастыроў Рускай Праваслаўнай Царквы, значэння праваслаўных манастыроў у гісторыі і сучасным жыцці Расіі і Беларусі, а таксама шырокага кола пытанняў гісторыі Праваслаўнай Царквы, сучаснага стану археаграфіі і навуковай спадчыны протаіерэя Іаана Грыгаровіча.
