З прывітальным словам да ўдзельнікаў мерапрыемства выступілі намеснік міністра юстыцыі Рэспублікі Беларусь А.М.Кот і начальнік галоўнага ўпраўлення юстыцыі Гомельскага аблвыканкама А.С.Камалыеў.
Лектары навучальнага збора асаблівую ўвагу надалі распрацоўцы, узгадненню і зацвярджэнню сістэмы кіравання аховай працы, арганізацыі навучання, праверкі ведаў, правядзенню інструктажоў, расследаванню няшчасных выпадкаў.
Удзельнікі збору ўшанавалі памяць і ўсклалі кветкі да помніка ахвярам генацыду беларускага народа «Дрэва жыцця». Азнаёміліся з дзейнасцю ААТ “Гомсельмаш”. Сваімі ўражаннямі аб наведванні выставы тэхнікі і асноўнага канвеера завода А.А.Макаранка падзялілася з рэдактарам газеты «Сельмашевиц» І.М.Кавалёвай.
Калегі - архівісты з Гомеля для кіраўнікоў РАУ арганізавалі экскурсію па новым будынку Дзяржаўнага архіва Гомельскай вобласці і прадставілі выставачныя праекты “Гомельшчына няскораная” і “Гомельскі полк народнага апалчэння: гісторыя, подзвіг, памяць”.
Удзел у гэтым мерапрыемстве пасадзейнічае павышэнню ўзроўня арганізацыі бяспекі на рабочых месцах і знізіць рызыку вытворчага траўматызму.
